-Almmuhus-
-Almmuhus-
SMÁVVAOĐĐASATEambbo elfápmo­prošeavttat Finn­márkui go elfápmo­fierpmádahkii čáhket

Eambbo elfápmo­prošeavttat Finn­márkui go elfápmo­fierpmádahkii čáhket

-

-

Ráđđehus almmuhii borgemánus elfápmo- ja industriijaloktema Finnmárkui. NVE lea čuovvolan ášši ja bivdán elfápmobuvttadeddjiid muitalit iežas gárvves prošeavttaid. Máhcaheamit čájehit ahte leat eanet prošeavttat jođus go dat mii čágašii ođasmahtton elfápmofierpmádahkii.

Norgga čázádat- ja energiijadirektoráhtta (NVE) áiggošii heivehit lohpeohcama ja elfápmobuvttadeami seamma bargui. NVE lea dáhtton elfápmobuvttadeddjiid dieđihit makkár elfápmoprošeavttat leat juo láddan.

– Leat ožžon dieđu ahte gávdnojit eanet prošeavttat go dat mii čágašii elfápmofierpmádahkii vaikko mii nanusmahtašeimmet dan garrasit Finnmárkkus. Dat máksá ahte eat sáhte hukset eanet go moadde prošeavtta, lohká NVE energiija ja konsešuvdnaossodaga direktevra Inga Nordberg preassadieđáhusas.

Oktiibuot lea ohccon dahje dieđihuvvon 9000 megawatt (MW) prošeavttaid birra.  Nuorta-Finnmárkku elfápmofierpmádaga kapasitehta lea juo geavahuvvon. Jus Statnett oažžu konsešuvnna cegget elfápmolinjjá gaskal Skáiddi ja Davvesiidda, de lea dasa sadji birrasii 500 MW ođđa elfápmobuvttadeapmái. Oarjjabealde Skáiddi ii leat sadji eambbo go 300 MW. Dál ii leat Finnmárkkus sadji go 800 MW ođđa elfápmobuvttadeapmái jus vuolggasadjin lea dálá elrávdnjegeavaheapmi ja Muolkkuid elektrifiseren. 

– Dál leat mii ožžon dieđu prošeavttaid birra ja mis lea buorre vuođđu viidásat bargui. Ovdal go NVE sáhttá bieggafápmoprošeavttain eanet bargat, de fertejit maid gielddat dan doarjut, lohká Nordberg.

NVE lágida čoahkkimiid ja rabas kanturbeivviid. 

-Almmuhus-