Romssas leat registreren njeallje ođđa koronanjoammuma mannan jándora.
Gaskavahkku duođaštuvvojedje njeallje ođđa koronanjoammuma Romssas.
Golmma njoammumis lea čanastat ovddeš duođaštuvvon koronanjoammumiidda, muhto njealját olbmos eai leat vel nagodan guorrat njoammuma.
Romssas lea koronavirus leavvan moadde vahkku ja dál lea dilli nu ahte buot njoammumiid eai šat oba nagot ge guorrat.
Suohkan ávžžuha olbmuid geavahit njálbmesuoji buvddain, gávpeguovddážiin, kollektiivajohtolagas ja táksiin.
Duorastaga leat oktiibuot 72 isolašuvnnas ja 323 erremis.
