-Almmuhus-
SMÁVVAOĐĐASATDušše badjelaš bealli oidnet dárbbu nisson­beaivvis

Dušše badjelaš bealli oidnet dárbbu nisson­beaivvis

Journalista

-

-

Juohke logát dievdoolmmoš ii dieđe goas lea nissonbeaivi ja dušše badjelaš bealli Norgga dievdduin oaivvildit ahte lea dárbu nissonbeaivái. 

– Ii leat buorre go nu olu dievddut eai dieđe goas nissonbeaivi lea, muhto dat movttiidahttá mu bargat viidáset dásseárvvuin. Mu mielas galggašedje eanet dievddut maid áŋgiruššagoahtit dásseárvoáššiiguin, lohká kultur- ja dásseárvoministtar Anette Trettebergstuen NTB ođasdoaimmahahkii. 

Ođđa guorahallan, man Respons Analyse lea čađahan, čájeha ahte 57 proseantta dievdduin oaivvildit ahte nissonbeaivái lea dárbu. 28 proseantta oaivvildit ahte nissonbeaivái ii leat dárbu ja 15 proseanttas ii leat makkár ge oaivil nissonbeaivvi birra. Nissoniid searvvis gal oaivvildit 79 proseantta ahte nissonbeaivái lea dárbu, dušše ovcci proseantta vástidit ahte dasa ii leat dárbu. 

1201 olbmo serve guorahallamii ja dásseárvoministtar dadjá ahte lea dehálaš maiddái dievdduid hástalusaid fátmmastit dásseárvogižžui. Su mielas lea dehálaš ahte sohkabealit eai bargga vuostálaga. 

– Mii ovddidit dásseárvobarggu jus dohkkehit ahte dievdduin maid leat dásseárvohástalusat, ja danin leat mii bargamin ásahit dievdolávdegotti mii galgá geahčadišgoahtit makkár dásseárvohástalusat váikkuhit almmáiolbmuide, dadjá Trettebergstuen.  (©NTB)

-Almmuhus-