Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Dráma
Mun lean vázzán drámas 7 jagi dál ja dat leat okta hui stuorra oassi mus. Go mun vuolggán lávddi ala ja álggan neaktit mus lea dat illu mu siste, dat lea dego mun in jurddaš šat, mun šattan eará olmmoš measta. Mun lean ožžon nu ollu ođđa skihpáriid dán 7 jagis.
Dál leat mii bargamin ovtta čájálmasain man namma lea «Ronja Rievvárnieida». Mun neavttán Birka nu ahte mus lea nubbin stuorámus rolla ja mun lean hui ilus dainna. Mii measta eat ožžon čájehanvuoigatvuođa. Mii leat bargan dainna olles čavčča jađe oažžut mii dan dieđu ahte mii kánske eat oaččo čájehit dan. Mun šadden hui váivvis, buohkat earát maid muhto mii fertiimet dušše vuordit.
Ja de muhton vahku maŋŋá mii oaččuimet dan dieđu ahte mii leimmet ožžon čájehanvuoigatvuođa ja ahte mii áigut čájehit «Ronja Rievvárnieida» Oslos Riksteateris Sámi álbmotbeaivvi.
Mii šattaimet nu ilus buohkat, mii eat leat goassige leamaš Oslos čájálmasain! Ja jus mii eat livčče ožžon čájehanvuoigatvuođa mii eat livčče ožžon čájehit dan Oslos. Muhto mii maid oažžut boradit sátnejođiheddjiin ráđđeviesus maŋŋá go mii leat čájehan dan teáhtera riksteateris. Mun illudan nu ollu!
Čállán: Ayla Iselin Hætta Isaksen, 12 jagi
Buot «Čálestan dál» čállosiid gávnnat dáppe.
