-Almmuhus-
-Almmuhus-
OĐĐASAT Doarjja nuorra guolásteaddjái

Doarjja nuorra guolásteaddjái

-

-

Sámediggeráđđi attii 300 000 ruvnno doarjjan Jo Ande Bongo Dikkanenii, 200 000 ruvnno fatnasii mii lea 31 juolggi guhkkosaš, ja doarjja reaidduid ja dávviriid oastimii, nu go firpmiid ja liidnadávviriid.

Sámediggeráđđi lea addán doarjaga Unjárgga gieldda nuorra guolásteaddjái guhte áigu ásahit guolástusealáhusa iežas fatnasiin.

Dikkanen lea 21-jahkásaš guhte ulbmildiđolaččat áigu áŋgiruššat ealáhusas mii maŋimuš jagiid lea sakka ahtanuššan juste Unjárgga gielddas.

 

Fertejit doarjut nuorra guolásteddjiid

Sámediggeráđđi Silje Karine Muotka dadjá ahte Sámediggi háliida ahte riddolagaš fatnasiin galgá leat vejolašvuohta ahtanuššat ja ovdánit mearrasámi guovlluin.

– Dalle fertet mii doarjut nuorra guolásteddjiid geat háliidit áŋgiruššat. Dat lea deaŧalaš maiddái go jurddašit ođđarekrutterema guolástusámmáhii. Dat nannešii maiddái ássama, árvoháhkama ja barggolašvuođa mearrasámi guovllus. Doarjja Unjárgga nuorra guolásteaddjái lea okta buorre ovdamearka álggalaš ja ulbmildiđolaš miellaguddui háhkat boahtteáiggi guolástusealáhusas, ja maid Sámediggi vuoruha doarjut, dadjá duhtavaš Silje Karine Muotka.

-Almmuhus-