Okta dievdu lea vuojihuvvon doavttirváktii maŋŋel ATV-lihkohisvuođa Sáččás, Romssas. Politiijat bivdet vejolaš vihtaniid váldit oktavuođa.
– Mii oaččuimet dieđu ovtta olbmos ahte son lei oaidnán ovtta dievddu luodda guoras guhte dárbbašii veahki. Dievdu vižžui ambulánssas, muđui eat dieđe mii lea geavvan, dadjá Romssa politiijaguovllu operašuvdnajođiheaddji, Lennart Steffensen, VG aviisii.
Politiijat bivdet vejolaš vihtaniid váldit oktavuođa politiijaiguin telefovdnanummariin 02800. Dievdu gávdnui Svandalsvegen luoddaguoras Sáččás lávvordat ovdagaskabeaivvi. Son vižžui doavttirváktii ja lea eahpečielggas man garrasit lea roasmmehuvan.
(©NTB)
