Sis- ja Nuorta-Finnmárkku diggegoddi galgá meannudit ášši mas nisu ii addán iežas vuodjinkoartta maŋŋel go válddahalai oaivvesvuođas vuodjime.
Ođđajagimánu 19. beaivvi galgá diggi meannudit ášši mas viđátlot-jahkásaš nisu válddahalai oaivvesvuođas vuodjime biillain.
Politiijat áigo duoguštit vuodjinkoartta nissonis, muhto son vuosttaldii.
Diggegoddi galgá de áššis dahkat diggemearrádusa, ii ge duomu cealkit, ahte sáhttet go politiijat duoguštit nissona vuodjinkoartta.
Dasto maŋŋel, jus lea vuođđu dan dahkat, de ráhkaduvvo áššáskuhttin mas de galgá leat čuoččuhus Romssa politiijaguovllus maid sii gáibidit ráŋggáštussan áššis.
Dat sáhttá leat sáhkku ja ahte massá vuodjinkoartta ovtta áigái. Jus dasa ii mieđa nisu, de šaddá dábálaš diggi áššis.
Lea Romssa politiijaguovlu mii ovddasta ášši áššáskuhttineiseválddi bealis.
