Loddeinflueansa leavva, dan dihte sihtá ge Norges Jeger- og Fiskerforbund (NJFF) iežas miellahtuid čuovvut mielde. – Mii leat dávjá luonddus vánddardeamen, ja sáhttit dieđihit jus oaidnit lottiid mat leat buohcamin dahje jápmán, lohká Olav Greivstad.
Dán geasi leat lottiide duođaštuvvon loddeinflueansa miehtá mearragátti. Dál lea maid vuosttaš geardde duođaštuvvon guovtti riebanis, čállá Biepmobearráigeahčču preassadieđáhusas
NJFF sihtá ge dál olbmuid leat gozuid alde ja dieđihit jus oidnet juoidá mii ii oro nu movt galgá, ovdamearka dihte jápmán lottiid dahje elliid.
– Jus oaidná, de galgá Biebmobearráigehččui dieđihit, lohká NJFF Olav Greivstad.
Greivstad deattuha ahte lea dehálaš ahte olbmot eai čuokko ja guoska lottiide, go sáhttá njoammut. Nu boahtá ovdan preassadieđáhusas.
