Ođđa dutkan čájeha ahte guovttegielatvuohta maŋida vuoiŋŋamaččaid boarásmuvvama.
– Hállat guokte giela beaivválaččat orru leamen goazaheamen vuoiŋŋamaččaid dábálaš boarásmuvvama, lohká UiT- Norgga árktalaš universitehta dutki ja vuosttašamanueansa Vincent Deluca, gii leamaš mielde dán dutkamis mii lea almmuhuvvon áigečállagis Scientific Reports ovttasráđiid Reading (UK) universitehtain.
Dán dutkamii serve 79 olbmo gaskkal 19-83 jagi, bealli sis ledje guovttegielagat ja sis lei nubbi giella eŋgelasgiella.
Dutkit leat MR spektraskohpi (MRS) bokte guorahallan vuoiŋŋamaččaid vuoiŋŋašmetabolaid, mat leat kemikálat mat sáhttet rievdadit vuoiŋŋamaččaid vuogádaga. Dutkit fuomášedje guovttegielat olbmuin, erenoamážit boares olbmuin, lei stuorámus erohus metaboladásis. Dutkit lohket dat čájeha ahte máŋggagielatvuohta hástala vuoiŋŋamaččaid eallenagi ja lea hirbmat buorre olbmo vuoiŋŋamaččaid dearvvašvuhtii.
