Davvi-Suomas lea 150 olbmos dieđihuvvon koronadávda disdaga dieđiha THL Suoma dearvvašvuođainstituhtta.
Máŋgasat sis leat buohccán Badje-Durdnosis dieđiha Lapin Kansa aviisa.
Lapin Kansa aviisa čállá ahte Badje-Durdnosis leat sihke dearvvašvuođabargit ja pasieanttat buohccán koronadávddain Badje-Durdnosa dearvvašvuođaguovddážis.
Doavttir Jyri J. Taskila duođašta Lapin Kansa áviisii ahte olbmuin lea koronadávda Badje-Durdnosa dearvvašvuođaguovddážis. Diehtu bođii juo ovddit vahkus ja dan rájes leat eanet olbmot buohccán.
THL Suoma dearvvašvuođainstituhta loguid mielde leat Länsi-Pohja guovllus, gosa Badje-Duortnus gullá, dieđihuvvon 82 olbmos koronadávda. Eanemusat Gihttelis 26 olbmos ja Durdnosis fas 31.
Olles Lappi guovllus fas 68 olbmos.
Olles Suomas leat dieđihuvvon 3.868 njommon ja 98 jápmán.