Birrasii 15 proseantta norgalaččain, geat leat gaskal 16–74-jahkásaččat, snuvssejit. Varas iskkadeapmi čájeha ahte golmmas logi olbmos háliidit geahpedit dahje heaitit snuvssemis dán jagi. – Divrrasut áigi ja ođđa snuvssadutkan movttiidahttá olbmuid heaitit, lohká farmasevta.
Farmasiet fáganeavvu ja farmasevtta Katrine Båserud Mathisen mielas lea hirbmat buorre go olbmot leat lohkan iskkadeami bohtosa ja ádden man olu nikotiidnabuktagat váikkuhit olbmo dearvvašvuhtii. YouGov lea dahkan iskkadeami Farmasiet ovddas. Norgalaččat muitaledje 2023:s ahte sii leat geahpedan iežaset snuvssadábiid, vihtta proseantta ledje juo heaitán ja 26 proseantta ledje geahpedan, 22 proseantta áigo geahpedit ja 14 proseantta háliidedje oalát heaitit snuvssemis 2024:s, čállet preassadieđáhusas.
Eatnašat muitaledje ahte lei dearvvašvuođa dihtii, muhto ruhtadilli lei maid dehálaš sivva.
– Jus snuvsset ovtta bovssa beaivái, de máksá dát dutnje 2500-3000 kruvnna mánnui. Eai buohkat suitte nie olu máksit. Sávvamis dat movttiidahttá olusiid dán jagi heaitit, sávvá Farmasiet fáganeavvu ja farmasevta Katrine Båserud Mathisen.
