4,9 millijovnna norgalačča leat dál ožžon vearrodieđáhusa Vearroetáhtas.
– Muitte iskat ahte buot dieđut leat riekta ja deavdde dan mii váilu, vai mávssát rievttes vearu, ávžžuha vearrodirektevra Hans Christian Holte.
Gaskal cuoŋománu 18. beaivvi ja 31. beaivvi leat eanaš bargit ja pensionisttat ožžon ođđa digitála ja álkibut hámis vearrodieđáhusa. Ealáhusdoallit ja sii geat ožžot vearrodieđáhusa báberhámis ožžot ain buot dieđuid boares hámi mielde.
Gaskaboddosaččat čájehit logut ahte Finnmárkkus leat 44 000 olbmo geat ožžot gaskamearálaččat 12 400 ruvnno ruovttoluotta vearroruđain. 10 000 olbmo fertejit máksit bázahusvearu, gaskamearálaččat 15 900 ruvnno, čállá Vearroetáhta preassadieđáhusas.
