Odne gaskaijaáigge dievvá áigemearri deavdit ja rievdadit vearrodieđáhusa.
Ievttá rádjai lei 90 proseantta rahpan vearrádieđáhusastis ja 750.000 norgalačča ledje gárven vearrodieđáhusastis ja sádden dan Vearroetáhtii.
Jus leat dábálaš bálkávuostáiváldi dahje penšunista, it ge dárbbaš rievdadit vearrodieđáhusa sisdoalu, de sáddejuvvo dat automáhtalaččat odne.
Vearroetáhta muittuha ahte lea juohkehačča ovddasvástádus iskat leat go ovdagihtii devdojuvvon dieđut riekta.
– Lea hirbmat dehálaš ahte it dušše iskka man olu vearroruđaid oaččut ruovttoluotta, dahje man olu bázahusvearu gárttat máksit. Iskka lea go buot opmodat ja sisaboahtu registrerejuvvon ja dárkkis leat go buot olggosgolut devdojuvvon, ráđđe Vearroetáhta divišuvdnadirektevra Marta Johanne Gjengedal preassadieđáhusas.
