NAV muitala ahte rabas geassebarggut leat gávdnamis nav.no siiddus, nu go dearvvašvuođa-, dikšo- ja fuolahussuorggis, párkadoaimmahagas ja ollu eará.
Turistaáigodahkii dán geasi ohcet vuostáiváldinbargiid Davvinjárgii, ja Deanu Museas dárbbašit geasseofelaččaid, čállá NAV preassadieđáhusas.
– Fertet leat jođán ohcat, go áigemearri lahkona, muitala NAV Finnmárkku ossodatdirektevra, Eva Lill Margit.
Bargguhisvuohta veahá lassánan cuoŋománus
83 olbmo eambbo olbmo leat barggu haga diimmáža ektui. 1413 olbmo leat áibbas barggu haga, čájehit logut.
– Sivvan manne bargguhisvuohta lassánii lea go fitnodagat leat gaskaboddosaččat šaddan cealkit eret bargiid, ja unnit doaibmabijut leamaš jođus. Leat erenoamážit guolástansuorggis gos eanemusat lea lassánan bargguhisvuohta.
Guovdageainnus ollugat barggu haga
Leat ain buoret áiggit boahtimis huksensuorggis, ja eai leat beare gallis bargguid haga dán suorggis. Riikadásis njiedjá bargguhisvuohta 2,8 prosentii.
Guovdageainnus lea alimus bargguhisvuohta mii lea 6,0 proseantta. Báhcavuonas ja Várggáin lea ges 5,9 proseantta. Unnimus bargguhisvuohta lea Ákŋoluovttas 1,7 proseanttain ja Unjárggas 2 proseanttain.
