NAV logut čájehit ahte bargguhisvuohta lea njiedjan sakka maŋemus mánu, 18 500:s besse bargagoahtit čakčamánus.
Oslos leat bargguhisvuođalogut hui badjin, Nordlánddas ges leat logut áibbas vuollin. Aŋkke leat buot gielddain logut njiedjan maŋemus mánu. Proseantta dáfus de lea Trøndelágas, Romssas ja Finnmárkkus njiedjan buot eanemus, 18 proseanttain.
– Bargguhisvuođalogut njidjet ain, go sii geat leat permitterejuvvon leat bessan fas bargagoahtit, muitala bargo- ja čálgodirektevra Hans Christian Holte.
