-Almmuhus-
-Almmuhus-
OĐĐASAT Vuoss­árgga rájes galget buot joatkka­skuvla­oahppit bissut ruovttus

Vuoss­árgga rájes galget buot joatkka­skuvla­oahppit bissut ruovttus

-

-

Joatkkaskuvllaid oahppit olles Romssa ja Finnmárkku fylkkas ožžot digitála oahpahusa ovddos guvlui ođđa koronadoaibmabijuid geažil.

Oahppit eai galgga šat deaivvadit skuvllas. Doaibmabidju álggahuvvo vuossárgga ja bistá unnimusat guokte vahkku ovddos guvlui.

– Dat ii guoskka ohppiide geain leat erenoamáš dárbbut heivehuvvon oahpahussii, hearkkes oahppit ja praktihkalaš fágat main fysalaš deaivvadeapmi lea dárbbašlaš. Dan ferte juohke skuvla árvvoštallat, muitala Romssa ja Finnmárkku fylkkasuohkana ealáhusa ja gelbbolašvuođa divišuvdnadirektevra, Børre Krudtå.

Son čujuha ahte dát ii mielddisbuvtte skuvllaid giddema, muhto váldoulbmil digitála oahpahussii lea hehttet njoammuma ja veahkehit kollektiivajohtolaga.

– Muhtin gielddain Romssas ja Finnmárkkus lea unnán njoammun. Muhto oahppit, geat leat dáppe eret, deaivvadit ohppiiguin geaidda lea njommon busses ja skuvllas, ja muđui servvodagas. Danne lea dehálaš álggahit ollislaš doaibmabijuid. Skuvlabusset leat máŋgga sajis dievva, ja lea áŧestus bottuin ja friddjaminuhtain máŋgga skuvllas. mehter-njuolggadusa lea váttis doalahit. Danne váldit mii dán lávkki dál, dadjá Krudtå.

Ovdalaččas lea Viken fylkkasuohkan álggahan seamma doaibmabijuid joatkkaskuvlla ohppiide.

(©NTB)

-Almmuhus-