Loahppa golggotmánu ledje 1055 bargguheames olbmot Finnmárkkus. Dat lea 148 unnit go diibmá seamma áiggi, ja lea sullii 2,6 proseantta bargoveagas.
Loahppa golggotmánu ledje 1055 bargguheames olbmot Finnmárkkus. Dat lea 148 unnit go diibmá seamma áiggi, ja lea sullii 2,6 proseantta bargoveagas.
Seammás leat 409 rabas virggi almmuhuvvon. Stuora oassi dain leat dearvvašvuođa suorggis, oahpahussuorggis, rámbuvrrain ja bálvalussuorggis ja mátkkoštanealáhusas.
Maiddái mánáid ja nuoraidbarggus leat rabas virggit. Dat mearkkaša ahte bargguheames olbmuide leat stuora vejolašvuođat oažžut barggu dál. Dan dieđiha NAV preassadieđáhusas.
– Buorre ovdáneapmi joatká
– Mii fertet geahččat olu jagiid maŋos jus galgat gávdnat seamma sullásaš loguid bargguhisvuođas Finnmárkkus. Dat muitala ahte buorre ovdáneapmi man borgemánus ja čakčamánus oinniimet, joatká, lohká NAV Finnmárkku Eva-Jill J. Margit.
Lea áin buoremus vejolašvuohta sidjiide geain lea alit oahppu, go olu virggit gáibidit alla oahpu. Lea liikká sadji sidjiide geain ii leat oahppu, go olu bargoaddit fállet kurssaid ja heiveheami ođđa bargiide, ja seammás váldet oahpahalliid.
Davvin fárrejit eanemus
Bargguhisvuohta njiedjá miehtá riikka, ja jus lea mielalaš fárret, de sáhttet olu vejolašvuođat. NAV sáhttá maid veahkehit gávdnat heivvolaš bargguid riikkas.
Ođđa analysa man NAV lea čađahan, čájeha ahte leat Davvi-Norgalaččat geat eanemusat fárrejit barggu dihtii.
Dat sáhttá das boahtit go davvin leat guhkit gaskkát, ja olbmot leat hárjánan guhkit bargomátkkiide.
Finnmárku lea vejolašvuođaid fylkka
NAV dieđiha ahte orru nu ahte buorre bargomárkan joatká áin, ja ahte davimus fylkkas leat stuora vejolašvuođat.
Álttás ja Kárášjogas lei unnimus bargguhisvuohta golggotmánu, 1,6 proseantta ja 1,9 proseantta.
Ákŋoluovttas ja Muoságis lea alimus, 8,9 proseantta ja 5,7 proseantta.
