Ruoŧa Yle dieđiha ahte muhtin joavku bohte Asias Supmii go lei áigumuš bargat Davvi-Suomas. Sii mátkkoštedje togain Helssega girdibáikkis davás Suoma čađa go korona dávdamearkkat fuomášuvvo.
Mátkkošteaddjit Asias ledje vuolgán togain Kolarii Davvi-Supmii go korona dávdamearkkat álge. Ovtta olbmos lea duođaštuvvon korona.
Joavku lea dál biddjon erremii, ja korona sáhttá leat njommon eará mátkkošteddjiide togas, dieđiha Lappi dikšunguovllu njoammuneastadandoavttir Markku Broas.
– Mii leat bidjan guhtta olbmo erremii. Mii váldit maid eanet iskosiid go olbmot leat čohkkán lahkalagaid togamátkkis, čilge Lappi dikšunguovllu njoammuneastadandoavttir Markku Broas.
Ođđa njoammumat
Suomas leat 35 ođđa korona njoammuma duođaštuvvon, nu dieđiha Suoma álbmotdearvvašvuođainstituhtta THL. Esbo gávpogis ledje 17 ođđa njoammuma, ja Helssegis fas 2.
Oktiibuot leat dal 7871 njoammuma duođaštuvvon Suomas.
