Departemeantt háliida dál gullat makkár oaivilat leat boahtteáiggi unnimus fanasjoavkku birra.
Departemeantt háliida dál gullat makkár oaivilat leat boahtteáiggi unnimus fanasjoavkku birra.
Šárkabivdofatnasat leat earenoamáš dilis dál, čállá Ealáhus- ja guolástusdepartemeanta preassadieđáhusas.
Sii leat vuohttán ahte njuolggadusat, mat gusket dán fanasjovkui, sáhttet leat váddásat. Dál sádde departemeanta iešguđetlágan njuolggadusmálliid gulaskuddamii.
– Gulaskuddamis mii bovdet govda ságastallamii boahtteáiggi bivdofanasjoavkku birra. Departemeanttas eat leat mearridan makkár čoavddus livččii buoremus, lohká guolástusministtár Per Sandberg preassadieđáhusas.
Gulaskuddamis
Gulaskuddančálus árvvoštallá galgá go šárkabivdofanasjoavkkus beassat ávkkástallat veahkkeneavvuid maid eará fanasjoavkkut besset.
Maiddái ovttasbivdoortnet, mearregeavaheapmi, šárkafanasjoavkku rolla riddoguovlluin ja geográfalaš gullevašvuohta leat gulaskuddamis.
– Čálus lea oassi dan čuovvoleamis man Earrelávdegoddi evttohii. Doppe leat evttohusat álkidit mearrevuogádaga. Giđas áiggun láhčit vai sáhttet deaivvadanbáikkit gos gulahallá daid áššiid birra, lohká Sandberg.
