Stáhtaministtar Jonas Gahr Støre bidjá fuomášumi geopolitihkkii Arctic Frontiers 2023 konferánssas.
Støre váldá mielde golbma ministara Tromsii. Sihke Islánda ja Ruoŧŧa buktiba olgoriikaministariid. Biden-hálddáhusas boahta David Balton, amerihká presideantta spesiálaráđđeaddi
– Dákkár internationála politihkalaš oassálastin muitala ahte davviguovllut lea dehálaš olgoriikapolitihkalaš guovlu dálá- ja boahtteáiggis, dadjá Arctic Frontiers direktevra Anu Fredrikson.
Arctic Frontiers lea stuorámus politihkalaš arena Arktisas, gos dutkan, politihkka, organisašuvnnat, ealáhus ja báikegoddi čadnojit oktii. «Moving North» lea dán jagáš konferánssa liigenamahus ja lea 16. háve go lágiduvvo. Konferánsa lágiduvvo Tromssas fysalaččat ja digitalalaččat, ođđajagimánu 30. beaivvis guovvamánu 2. beaivái 2023.
