Romssa guovlu galgá šaddat buoremussan Norggas mátkkoštanealáhusa dáfus, lea sátnejođiheaddji Gunnar Wilhelmsena (Bb) mihtu. Son háliida čohkket buot Romssa mátkeealáhusfitnodagaid.
Wilhelmsen háliida ahte Visit Tromsø, Visit Lyngenfjord ja Visit Harstad galget ovttastahttojuvvot.
– Okta mu ulbmiliin lea ahte mis lea okta galledanfitnodat regiovnnas. Mun háliidan ahte galgat ollislaččat promoteret regiovnna, danne go turisttat oidnet Romssa oktan guovlun, dadjá Romssa sátnejođiheaddji Dagbladet aviisii.
Son dadjá ahte Romsa lea dievvagoahtán, ja dat váikkuha kránnjáide.
– Muhtumat fertejit Hársttáide maid vuolgit, dadjá son.
Wilhelmsen dadjá ahte kránnjágielddaid sátnejođiheaddjit leat ovttaoaivilis suinna, ja danne dadjá ge son ahte galledanfitnodagat áigot oktiičaskojuvvot. Son maid jáhkká ahte fitnodagain lea iežaset dáhttu dan dahkat.
Ivgu sátnejođiheaddji dadjá ahte sii eai leat mearridan, muhto Hárstták háliida Narviikka maid mielde jus nu dáhpáhuvvá. (©NTB)
