Bearjadaga skábmamánu 17.beaivvi šattai Majestehtalaš Gonagas Harald Oslo buohccivissui infekšuvnna geažil. Dál lea Gonagas Harald dearvvas ja lea beassan fas ruoktot.
Bearjadaga buohccái Gonagas Harald infekšuvnnain ja sáddejuvvui Oslo buohccivissui.
Gonagasšloahtta ii hálit muitalit makkár infekšuvdna gonagasas lei.
Otne skábmamánu 20. beaivvi dieđihedje fas neahttasiidui ahte Majestehtalaš Gonagas lea fas dearvvas ja lea ovdalgaskabeaivvi beassan ruoktot buohcciviesus.
Eai muital eambbo
VG čállá sii eai leat ožžon vástádusa šloahtas eaige šloahta gulahallanhoavddas Sven Gj. Gjeruldsenis ahte lea go infekšuvdna badjánan maŋŋá gužžarákku čuohpadeami.
Gonagas Harald čuohpaduvvui 2003:s dan dihte go sus lei borasdávda gužžarákkus.
Fargga fas barggus
Gonagas Haraldis ledje otne doaimmat maid fertii cealkit eret, muhto duorastat rájes lea son fas barggus.