Gaskaboddosaš logut čájehit ahte 23 olbmo leat duššan geassejohtolagas Norggas, geassemánu ja suoidnemánu dán jagi. Dat lea golbma eambbo go seamma áigodaga diibmá.
Geaidnodoaimmahaga gaskaboddosaš logut čájehit ahte 11 olbmo leat duššan Norgga luottain suoidnemánu, mii lea seamma olu go diibmá. Bealli dáin leat mohtorsihkkel lihkohisvuođat.
– Dát čájeha ahte oassi dán čielga lassáneamis leat mohtosihkkelvuddjit, dadjá luoddadirektevra Terje Moe Gustavsen.
Buohtastahttojuvvon biilavuddjiiguin lea risiko jápmit dahje bahuid roasmmehuvvat 16 geardde stuorát lossa mohtorsihkkelvuddjiin.
Unnit go diibmá
Čieža vuosttaš mánus dán jagi leat 56 olbmo duššan Norgga luottain, mii lea guokte unnit go seamma áigodaga diibmá.
Čieža olbmo leat duššan luottain Hordalánddas, ja Finnmárkkus fas ii leat leamaš oktage jápminlihkohisvuohta dán jagi.
