Loahpageahčen geassemánu ledje 1221 olbmo Finnmárkku NAVaii dieđihuvvon bargguhága. Dat leat 58 olbmo unnit go diibmá dán muttos áigge.
Loahpageahčen geassemánu ledje 1221 olbmo Finnmárkku NAVaii dieđihuvvon bargguhága. Dat leat 58 olbmo unnit go diibmá dán muttos áigge.
Industriijabargiin lei stuorámus unnideapmi bargguhisvuođas.
Olles 33 olbmo unnit go diibmá ledje registrerejuvvon barggu haga.
Leat goitge registrerejuvvon eanemus industriijabargit bargoohccin.
Sii geat leat leamašan barggu hága mátkkoštanealáhusas ja fievrrádus duogážiin leat njižon olles 21 olbmuin, ja leat nubbin stuorámus bargguhisvuođa unnideamis.
Dievddut njunnošis
Bargguhisvuohta Finnmárkkus lea ain stuorámus dievdduid gaskas.
Olles 826 bargoohcci leat dievddut.
Lohku lea áŋke unnon 3 proseanttain diimmá rájes.
Nissonolbmuid bargguhisvuohta lea unnon 8 proseanttain, ja dan jagi leat dušše 395 nissonolbmo geat leat bargo ozus.
Rabas bargosájiit
Geassemánus ledje registrerejuvvon 415 rabas bargivirggi Finnmárkkus.
Eanas rabas virggit leat dearvvašvuođa ja fuolahus ossodagain ja oahpaheaddjit.
Eanandoalo, vuovdedoalu ja oaggun, ja huksen ja rusttetteknihkka bargosajit leat lássanan eanemus.
Dain leat registrerejuvvon guhtta ja vihtalogiovtta rabas virggii.
Dat lea lassáneapmi 532 proseanttain ja 238 proseanttain,
Alimus ja unnimus
Várggahis lea stuorimus bargguhisvuohta Finnmárkkus (5,6%).
Guovdageainnus lea 5,4 proseantta bargguhisvuohta ja Gáŋgaviikas lea 5 proseantta bargguhisvuohta.
Altas lea lohku 2 proseantta ja lea unnimus bargguhisvuohta Finnmárkkus,
