Ealáhusdoallit galget sádden vearrodieđáhusa ovdal miessemánu 31. beaivvi. Jus dan áigemearrái ii olle, de sáhttá oažžut bággosáhku.
Ealáhusdoallit galget sádden vearrodieđáhusa ovdal miessemánu 31. beaivvi. Jus dan áigemearrái ii olle, de sáhttá oažžut bággosáhku.
357 000 ealáhusdoalli galget sáddet vearrodieđáhusa dán jagi. 150 000 leat juo sádden. Dán jagi lea ođas ahte sii, guđet eai sádde ovdal áigemeari, sáhttet sáhkkohallat.
Sii ožžot bággosáhku, ja dat lassána juohke beaivvi.
– Dieđiheapmi lea dehálaš vai vearru rehkenastojuvvo riekta. Bággosáhku ulbmil lea sihkkarastit rievttes ja ollislaš dieđuid Vearroetáhtii. Mii ávžžuhit buot ealáhusdolliid sáddet rievttes áigái, lohká Vearrodirektoráhta ossodathoavda Helene Kruge preassadieđáhusas.
Badjelaš 50 000 ruvnno
Bággosáhkku lassána dassážii go dieđut bohtet, Vearroeiseválddit árvvoštallet vearu dahje dassážii go submerádji olahuvvo.
Okta beaivesáhkku lea 1049 ruvnno. Sáhkku lassána beaivvis beaivái, muhto submerádji 50 beaivesáhku, ja dat šaddá 52 450 ruvnno.
