Seammás lassánedje digitála almmuhusaid dietnasat dušše 21 milljovnna ruvnnuin diibmá.
Seammás lassánedje digitála almmuhusaid dietnasat dušše 21 milljovnna ruvnnuin diibmá.
77 aviisaviesus vásihedje diibmá ahte almmuhusaid dienas njiejai 10 proseanttain, 12 aviisaviesu ges masse 20 proseantta dietnasis, čájehit Mediabearráigeahču 2015 ekonomiijarapporta.
Bidjan eret olu bargiid
Aviissaid gálvojohtu njiejai oktiibuot 835 milljovnna ruvnnuin diibmá.
Aviissat leat massán 2 milljardda ruvnnu doaibmadietnasis 2011 rájes, sii leat danin gártan bidjat bargiid eret nu ahte leat seastán birrasiid milljárdda ruvnnu.
Dinejit eanet aviissain
Aviissat leat agibeaivvi dinen buoremusat almmuhusaiguin, muhto rapportas boahtá ovdán ahte diibmá lei buoret dienas aviisajođus.
49,4 proseantta dietnasis bođii aviissavuovdimis, 46,5 proseantta ges almmuhusain.
Buorre jahki seastima geažil
Mediabearráigeahčču čállá ahte aviisaviesut leat birgen bures diibmá danin go leat seastán olu ruđaid, bearráigeahčču cealká ahte dát hui sihkkarit rievdá fargga.
Mediasuorgi vuvddii 25,6 milljardda ruvnnu ovddas jagi 2015:s. Dienas njiejai 287 milljovnna ruvnnuin ovddit jagi ektui, čállá NTB.
