-Almmuhus-
-Almmuhus-
-Almmuhus-
OĐĐASATOđđa poasta­njuolgga­dusat, muhto Ávvir boahtá juohke beaivvi goitge 

Ođđa poasta­njuolgga­dusat, muhto Ávvir boahtá juohke beaivvi goitge 

-

-

Ođđa poastanjuolggadusmearrádus cealká ahte poasta boahtá dušše juohke nuppi beaivvi. Ávvir bivdá lohkkiid addit dieđu jus aviisa ii boađe nu go dábálaččat.

Suoidnemánu 1. beaivvi rájes doaibmagohtet poastanjuolggadusmearrádusa rievdadusat.

– Ulbmil lea heivehit fálaldaga nu ahte olbmuin ja ealáhusain ain lea buorre poastafálaldat miehtá riikka, dadjá Nationála gulahallaneiseválddi ossodatdirektevra Hans Jørgen Enger, geas lea bajimuš bearráigeahčču Norgga poastasektoris. Poastalága rievdadusat mearriduvvojedje Stuorradikkis geassemánu 21. beaivvi 2019.

Earret eará digitaliseren ja reivehivvodaga njiedjan leat sivat poastajuohkingeahpádussii. 

Poasta juhkko dušše vuossárgga, gaskavahku ja bearjadaga.

Aviisajuohkin galgá guhtta beaivvi vahkkus

Vaikke poasta ii boađe juohke beaivvi, de galgá obblalaš aviisajuohkkin ain boahtit vuossárggas lávvordahkii. Ávvir aviissa galget diŋgojeaddjit oažžut mánnodagas bearjadahkii. 

Johtalusdepartemeantta lihtodii šiehtadusa Poasttain oastit aviisajuohkima daid vahkkobeivviid go Poastta ii šat háliidan dábálaš poastajuohkima suoidnemánu 1. beaivvi rájes. Dasto sihkkarastojuvvo aviisajuohkin dain guovlluin gos suorggis eai leat sierra aviisajuohkimat. Dat guoská sullii 15 proseantta aviisagáhppálagain. Dat galgá sihkkarastit aviisajuohkima guhtta beaivvi vahkkus aviisaabonnemeanttain gitta geassemánu 30. beaivvi 2022.

– Aviisajuohkin galgá lobiid mielde mannat nu go dábálaččat ja min lohkkit galget aviissa oažžu mánnodagas bearjadahkii.  Muhto, dat ii leat vuos leamašan galle beaivvi doaimmas, ja dan dihte ávžžuhit mii iežamet lohkkiid dieđihit midjiide jus eai oaččo aviissa juohke beaivvi.  Jus it oaččo aviissa, de váldde oktavuođa min kunddárbálvalusain, ávžžuha Ávvira váldodoaimmaheaddji, Kari Lisbeth Hermansen.

– Johtalusdepartemeantta ja Poastta fálaldatgilvvu geažil ii galggaše ođđa poastanjuolggadusmearrádus váikkuhit Ávvira. Mii sávvat ahte ii fuomášuvvo erohus, muhto bivdit lohkkiid dieđihit midjiide jus fal aviisajuohkin ii joatkke nu mo dábálaččat, dadjá Ávvira doaibmaossodaga jođiheaddji Per Christian Biti.

KÁRÁŠJOGAS: Doaibmaossodaga jođiheaddji Per Christian Biti sávvá ahte eai boađe váikkuhusat. Govven: Máret Michelle M. Eira.
KÁRÁŠJOGAS: Doaibmaossodaga jođiheaddji Per Christian Biti sávvá ahte eai boađe váikkuhusat. Govven: Máret Michelle M. Eira.
-Almmuhus-