-Almmuhus-
OĐĐASATEatnašat lohket ođđasiid aviissain

Eatnašat lohket ođđasiid aviissain

-

-

Čiežas lohkásis vástidit ahte aviisa lea sin deháleamos ođasgáldu. Dasa lassin čájeha Mediafitnodagaid riikkasearvvi guorahallan ahte oallugat ostet aviisa- dahje magasiidnaabonnemeanttaid.

Juohke čihččet norgalaččas lea unnimusat okta abonnemeanta, ja eatnašat válljejit doallat báikkálaš- dahje regiovdna aviisa.

– Viehka stuora oasis Norgga álbmogis lea muhtin aviisaabonnemeanta, ja mii oaidnit ahte ođasmediat gokčet stuora oasi lohkkiid ođasdárbbuin, lohká Mediafitnodagaid riikkasearvvi márkanguorahalli Bente Håvimb NTB ođasdoaimmahahkii.

 

Eai nagot čuovvut ođasgova

Aviissat dinejit unnit almmuhusaid bokte ja danin leat eanet aviissat gártan váldigoahtit mávssu neahttaáššiid ovddas.

2011:s válde dušše 3 proseantta neahttaaviissain mávssu, diibmá lei lohku 88 proseanttas.

Guorahallan čájeha ahte dušše 8 proseantta álbmogis leat oastán ođđasiid riikkamediaid neahttasiidduid bokte.

Badjel bealli vástida ahte sii eai nagot čuovvut olles ođasgova go sis ii leat beassanláhki buot mediaid ođasčállosiidda.

Leat eanemus nuorat geat eai mávsse ođđasiid ovddas maid mediaásahusat buvttadit, masá 90 proseantta dáin vástidit maid ahte eai jáhke boahttevaš jagi oastit ođasabonnemeanttaid neahttaaviissain.

-Almmuhus-