-Almmuhus-
-Almmuhus-
SMÁVVAOĐĐASATÁvžžuha olbmuid iežaset registreret go fitnet guossohanbáikkiin

Ávžžuha olbmuid iežaset registreret go fitnet guossohanbáikkiin

-

-

Romssa suohkana njoammungurriide lea hástaleaddji čađahit bargguset go olbmot eai registreret iežaset go fitnet kafeain ja olgobáikkiin. 

Romssa suohkana váldodoavttir ávžžuha olbmuid álohii registreret iežaset go fitnet olgobáikkiin ja dasa lassin berrejit olbmot viežžat «Smittestopp» applikašuvnna telefovnnaide. 

– Čájehuvvo ahte olu Romssa olgobáikki gussiin eai registreret iežaset. Dat dagaha váttisin čađahit njoammunguorrama ja dalle sáhttá koronanjoammun leavvat viidát. Sii, geat eai registreret iežaset guossohanbáikkiin, eai oaččo dieđu jus balahuvvo ahte sidjiide lea njommon koronavirus. Danin fertejit olbmot registreregoahtit iežaset go fitnet guossohanbáikkiin, dadjá suohkana váldodoavttir Kathrine Kristoffersen preassadieđáhusas. 

Maŋimuš jándora lea covid-19 duođaštuvvon logi ođđa olbmos. Guoktásis eai leat vel nákcen guorrat njoammuma. 

– Álbmotdearvvašvuođainstituhta Smittestopp-appain lea vejolaš oažžut dieđu jus leat muhtin koronabuohcci lagas oktavuohta. Applikašuvdna lea maid dehálaš reaidu go čađahit njoammunguorrama, ja danin ávžžuhit olbmuid geavahišgoahtit dan, lohká Kristoffersen. 

-Almmuhus-