Romssa ja Finnmárkku stáhtahálddašeaddji ávžžuha ahte olbmot dáppe eai jođe dan logi gildii maidda dan ođđa rievdan virusa leavvan lea čuohcan.
Ođđa rievdan virusa leavvan Indre Follo gielddas čájeha man duođalaš pandemiijadilálašvuohta lea. Eiseválddit leat ovttas gielddaiguin mearridan garra doaibmabijuid dáidda gielddaide: Oslo, Nordre Follo, Ås, Vestby, Nesodden, Indre Østfold, Frogn, Enebakk, Moss ja Våler.
Romssa ja Finnmárkku stáhtahálddašeaddji oaivvilda leat dehálažžan ahte fylkkas lea buorre kontrolla njoammundilálašvuođas, vai gielddat nákcejit doaimmahit ja čađahit boahkuhemiid dađistaga go go eanet boahkut leat fidnemis.
Ávžžuhus lea ahte ii galgga johtit guoskevaš gielddaide
Romssa ja Finnmárkku stáhtahálddašeaddji ávžžuhus lea ahte sin gielddaid ássit eai berreše johtit dan logi gildii Oslos ja Vikenis gos dál leat mearridan garra doaibmabijuid bissehan dihtii dan ođđa rievdan virusa leavvamis.
Dán ávžžuha stáhtahálddašeaddji vai ođđa rievdan virus ii leavašii deike, ja maiddái vai gielddadearvvašvuođabálvalusas leat doarvái resurssat čađahit boahkuhemiid nu go lea plánejuvvon, dieđiha Romssa ja Finnmárkku stáhtahálddašeaddji preassadieđáhusas.
