Miessemánu rájes besset finnmárkulaččat fas mátkkoštišgoahtit lieggariikii.
Apollo lea áidna mátkedoaimmahat Norggas mii girdá Álttás njuolga Greikii Kretai.
– Lea álot leamaš dehálaš Apolloi ahte mis lea viiddis ja buorre fálaldat mátkkošteddjiide miehtá Norgga, muhto pandemiija áiggi fertiimet unnidit fálaldagaid. Dál lea dakkár geassi vuordimis go eai leat makkárge mátkkoštangáržžideamit ja de lei diehttelas ahte fertiimet oažžut johtui fas fálaldaga Álttás Kretai, dadjá Apollo gulahallanhoavda Beatriz Rivera.
Apollo almmuha maiddái mátkefálaldaga Mallorcai njukčamánu rájes.
– Dakkár mátkefálaldagat šaddet bivnnuheappot ja bivnnuheappot danne go dakkár mátkkit addet earenoamáš fleksibilitehta seammás go mátkefálaldatláhka suddje mátkkošteddjiid go diŋgo olles mátkki min bokte, čilge Rivera preassadieđáhusas.
