Masá čiežas lohkásis plánejit vuolgit geasselupmui dán jagi, bealli áiggošii mátkkoštit olgoriikii.
Lagabui 70 proseantta norgalaččain plánejit mátkkoštit geasseluomus, muhto dán jagi áiggoše johtit hálbái.
Bealli dáin háliidit vuolgit olgoriikii, ja oallugiin lea áigumuš johtit Spaniai, Ruŧŧii, Greikii ja Dánmárkui. Itália ja Frankriika maid geasuhit norgalaččaid, čájeha «Årets reisepuls», guorahallan man Opinion lea čađahan Virke ovddas.
– Geasseluopmu lea dehálaš norgalaččaide, ja dat vuoruhuvvo vaikke oallugiin lea čavga ekonomiija, lohká Virke mátkeealáhusfidnodirektevra Audun Pettersen.
Eanaš oassi dain geat eai vuolgge olgoriikamátkái geasseluomus muitalit ahte galledit bearraša ja ustibiid dahje ahte fitnet barttas. Oassi mátkkoštit ja orrot hoteallain, gohttensajiin dahje láigobarttain.
(©NTB)
