Ođđajageávvudeapmi čadnojuvvo dávjá oktii dollarusoniin, muhto eai buohkat leat seamma čeahpit suodjalit iežaset.
Dan logi olbmos geat hávváduvvojedje 2021 ođđabeairuohta ledje golmmas duođalaččat hávváduvvon, ja čieža olbmo ledje smávvát hávváduvvon, dieđiha Haukeland Universitehtabuohcceviessu. Oktasaš dain geat ožžo čalbmevahágiid dollarusoniid oktavuođas lea ahte ii oktage geavahan suodjalančalbmeglásaid.
– Mii leat máŋggaid jagiid ávžžuhan olbmuid geavahit suodjalančalbmeglásaid go báhčet dollarusoniid ođđabeairuohta. Ahte muhtumat liikká válljejit stoahkat oainnuin lea váttis áddet, dadjá Rolf Søtorp, Norgga dollasuodjalussearvvis doaimmalaš direktevra.
