Dáid beivviid álget sullii 300 000 studeantta allaskuvllaide ja universitehtaide. Iskkadeapmi čájeha ahte olusat eai gáro dieđihit viessoeaiggádii buollinsihkarvuođa boasttuvuođaid.
Sullii 40 proseantta vástideddjiin vástidit ahte eai hálit, eai dieđe háliidit go dahje gáro dieđihit láigoheaddjái go ásodagas leat buollinsihkarvuođa váilevašvuođat.
– Lea hui heittot. Studeanttat leat áigodagas eallimis goas fertejit váldit vára alddiineaset ja iežaset sihkarvuođas. Orrot go sajis gos buollinsihkarvuohta ii leat mo galgá, de lea dárbbašmeahttun riska ahte juoidá manná hejot jos lea buollin, dadjá Rolf Søtorp, Norgga buollinsuodjalussearvvi hálddašeaddji direktevra.
YouGov lea čađahan iskkadeami Tryg ja Brannvernforeningen ovddas.
– Buollinsihkarvuohta ii leat várra vuosttaš man birra studeanta smiehttá go fárre eret ruovttus, muhto lea dehálaš leat kritihkalažžan dasa man láigoha. Lea viessoeaiggáda ovddasvástádus ahte suovvanjurggon lea sajis ja ahte dohkkehuvvon čáskadanreaiddut leat olámuttos, dadjá Torbjørn Brandeggen, gulahallanráđđeaddi Tryg Forsikringa gulahallanráđđeaddi.
