Stádabušeahtas ii várrejuvvon vuos ruhta ođđa skuvlavistái Sámi joatkkaskuvlii ja Boazodoalloskuvlii.
Stádabušeahtas ii várrejuvvon vuos ruhta ođđa skuvlavistái Sámi joatkkaskuvlii ja Boazodoalloskuvlii.
Sámi joatkkaskuvllas ja Boazodoalloskuvlla dáfus ledje sámis stuorra vuordámušat 2016 Stádabušehttii. Ráđđehus dattege ii lohpit vuos ruhtadeami ođđa skuvlavistái.
Stádabušeahta Poasttain 01 Doaibmagolut ja poasta 45 Stuorát rusttetoastimat ja divvun, čállet ahte leat árvvoštallamin Guovdageidnui plánaid mat gusket ođđa joatkkaskuvllavistti huksemii Guovdageidnui.
– Dat mearkkaša ahte eai leat dáid plánaid rádjan skuffii go leat árvvoštallamin daid ja dat gal juobe lea buorre, lohká Sámediggeráđđi Silje Karine Muotka.
Loga maid: – Dál ceaggana ođđa skuvla
Loga maid: Doarju Sámi joatkkaskuvlla vuordámušaid ráđđehussii
Ain vejolaš váikkuhit
Ovdal go Stádabušeahtta almmuhuvvui logai Muotka Ávvirii ahte sávvá juolluduvvot ruhtadeami hukset ođđa skuvlla Guovdageidnui.
– Dál fertet ain čuovvolit ášši go Stuorradiggi meannuda bušeahta. Mis lea ain vejolašvuohta váikkuhit nu ahte oažžut ruhtadeami dása, lohká Muotka.
Ávvir ii leat fáhten Sámi joatkkaskuvlla ja boazodoalloskuvlla rektora Ellen Inga O. Hætta ságaide dán áššái.
