-Almmuhus-
-Almmuhus-
-Almmuhus-
OĐĐASAT–Dál ceaggana ođđa skuvla

–Dál ceaggana ođđa skuvla

-

-

Stáhtabušeahtasuođđan addá sutnje doaivaga ahte dál juolluduvvo ruhta mii ollašuvvo ođđa joatkkaskuvlla Guovdageidnui.

Ievttá skuvlaválggain almmuhii Gurutbellodaga nuoraidossodaga áirras ahte sus lea čiegusvuohta juogadit stáhtabušeahta birra, namalassii dál boahtá juolluduvvot ruhta ođđa joatkkaskuvlii Guovdageainnus. Go Guovdageainnu sátnejođiheaddji Klemet Erland Hætta gulai dan, de dulko son dan duođaštussan ságaide maid ieš lea ovdal gullán.

– Mun lean ovdal gullán olbmuin geaid dovddan ráđđehus ja departemeantta dásis, ahte dál boahtá stáhta juolluduvvot ruhta ođđa skuvlii. Gurut bellodat lea doarjjabellodat dálá ráđđehusas ja lean ipmirdan dat skuvla ášši lea juoga maid sii vuoruhit, lohká Hætta

 

Guhká bargan

Dat lea Máhttodepartemeantta mii lea addán Statsbyggii barggu plánet ođđa joatkkaskuvlla Guovdageidnui. Jagi 2012 doalaige Statsbygg fálaldatgilviid arkiteavttafitnodagaid gaskkas ja válljejedje LMR arkiteaktafitnodaga tevdnegiid vuoitin.

 

*/

Čájáhusgovva olggobealde ođđa skuvlavisttii.

 

Ollus bargan

Hætta jáhkká dál boahtá stáhtajuolludeapmi Statsbyggii, mii lea juo guhkit áiggi bargan ođđa skuvllain ja vuordán dušše ruhtadeami.

Nu movt lea dábálaš geaidnu de ráđđehus álggos addá stáhtajuolludeami, mii lea birrasiid 20 milliuvnna, ja de maŋŋel biddjojuvvo bušehttii ja dakko bokte juolluduvvo eanet ruhta. Dál lea doaivva ahte boahtá ođđa skuvla ja leat máŋggas geat leat guhkit áiggi bargan buori barggu ođđa skuvllain, ja dat gal lea illusáhka, lohká Hætta.

 

 

 

 

 

-Almmuhus-