Barentsábi dorskeearri unnu boahtte jagi. Internašunála mearradutkaninstituhtta, ICES, bidjá oppalašearrin 712 000 tonna, mii lea 20 proseantta unnit go lea leamašan, dieđiha NTB.
Barentsábi dorskeearri unnu boahtte jagi. Internašunála mearradutkaninstituhtta, ICES, bidjá oppalašearrin 712 000 tonna, mii lea 20 proseantta unnit go lea leamašan, dieđiha NTB.
Daid maŋemus jagiid lea leamašan stuora máddodat Nuortadavviarktiisa dorskis, oktan čuovvovaš stuora oppalašeriin.
Gođđolohku 2014:s lei hirbmat buorre, muhto lea dan rájes mannan fas niedjan.
Unnu 20 proseanttain
2017 oppalašearri lea 890 000 tonna ja unnu 712 000 tonnii 2018:s.
– Lei vurdon ahte ICES unnida dorskeeari boahtte jahkái. Lea leamašan hirbmat ollu dorski daid maŋemus jagiid, muhto dettege leat registrerejuvvon unnán guolit daid boahttevaš jahkeluohkáin. Mii fertet dasto leat gergosat dasa ahte earri sáhttá unnut boahttevaš áiggis. Vaikko lea earreunnideapmi, de ii leat eahpádusge ahte leat ollu dorskit Barentsábis, lohká Guollefatnasa resursadutki Gjert Dingsør.
Eará árktalaš guollešlájaide leat unnán rievdadusat.
Leat Norgga ja Ruošša mearradutkit geat vižžet vuođđodieđuid mat leat heivehuvvon earrerávan, dieđiha NTB ođasgáldu.
