Regiovdna Norrbotten dieđiha ahte leat oktiibuot 182 olbmo duođaštuvvon jápman koronadávdii leanas.
Leana njoammuneastadandoavttir Anders Nystedt čilge ahte leat vuordemeahttun alla jápminlogut Norrbottenis.
– Lea nu issoras go nu olusat jápmet koronadávdii, ja leat vuordemeahttun alla jápminlogut dáppe dál, čilge son Norrlänska sosialdemokraten aviisii.
Leat 39 olbmo jápman 2021:s, ja olbmot geat leat jápmán leat leamaš gaskal 47-95-jahkásaččat, čájehit Regiovdna Norrbottena logut.
Guovlluin gos dávda njoammu eanemusat, dieđihit maid eanemus jápmimiid. Dál njoammu dávda eanemusat Haparandas, Árjjátluovis ja Överkalixas.
– 27 olbmo leat jápmán boarrásiidsiiddas. Dat dávda lea váralaš vuorasolbmuide, čilge njoammuneastadandoavttir Anders Nystedt Norrlänska sosialdemokraten aviisii.