Ođđa koronanjoammumat leat gávdnon Roavvenjárggas ja Levis.
Lappi buohccedikšunbiirres leat gávdnan ovcci ođđa koronanjoammuma ja Länsi-Pohjas fas guokte.
Dan dieđiha Yle Sápmi. Guovtti mátkosteaddjis Levis lea duođastuvvon korona ja ovttas fas Suoločielggis.
Roavvenjárggas leat gávdnan čieža ođđa njoammuma.
Lappi buohccedikšunbiirre infekšuvdnadoavttir Markku Broas čilge Yle Sápmái ahte eai dieđe gos Roavvenjárgga korona njoammunbálggis vuolgá. Son čilge ahte olu njoammumat bohtet eará guovllus go Davvi-Suomas.
