Lávvordaga, čakčamánu 17. beaivvi galget eaktodáhtolaččat miehtá máilmmi čorget sáttogáttiid go Ocean Conservancy organisašuvdna bovde Internášunala mearragáddečorgemii 31. geardde.
Lávvordaga, čakčamánu 17. beaivvi galget eaktodáhtolaččat miehtá máilmmi čorget sáttogáttiid go Ocean Conservancy organisašuvdna bovde Internášunala mearragáddečorgemii 31. geardde.
Lávvordaga, čakčamánu 17. beaivvi galget eaktodáhtolaččat miehtá máilmmi čorget sáttogáttiid go Ocean Conservancy organisašuvdna bovde Internášunala mearragáddečorgemii 31. geardde. Dán jagi lea Hold Norge Rent maid mielde dán máilmmiviidosaš veahkkálasbarggus.
Internášunala mearragáddečorgenbeaivvi
Doarjagiin Birasdirektoráhtas almmuhit «Hold Norge Rent» dán jagi ođđa riikaviidosaš čorgenbargui mii lea ožžon nama «Hold høsten ren». Eaktodáhtolašbargu bistá 12.-18. beivviid čakčamánus, ja lágiduvvo Internášunala mearragáddečorgenbeaivvi oktavuođas, mii dán jagi lea 17. beaivvi čakčamánus.
Birra jagi váttisvuohta
Mearragáddečorgenbeaivi diibmá šattai stuora sukseassan, eambbo čorgenakšuvnnat go goasse ovdal. Muhto dá lea dađi bahábut váttisvuohta mii lea birra jagi, ja Hold Norge Rent bovde danne čakčačorgemii.
– Lea álo dárbu čorgemii, ja Hold Norge Rent lea guhká háliidan álggahit čorgema mas lea čanasteapmi Internášunala sáttogáddečorgen beivviin, lohká beaivválašjođiheaddji Lise Gulbransen.
Bázahusat gal leat luonddus birra jagi, muhto livčče dehálaš čorget daid ovdal go dálvá. Ruskkat mat eai čorgejuvvo ovdal go muohta boahtá, daid lea váttis čoaggit go dálvvi leat leamaš muohttaga vuolde.
