Hold Norge Rent (doalat Norgga čorgadin) čázádagaid ja jávrriid kártenprográmma Norggas mii muitala man olu siseatnamis lea guovlu nuoskkiduvvon. Dál leat 2020 ja 2021 bohtosat gárvásat.
Go Hold Norge Rent (doalat Norgga čorgadin) mihtidii vuosttaš geardde man olu johgáttit ja jávregáttit ledje nuoskkiduvvon 2017:s, de illá gávdnui diehtu dan birra Norggas. Ii dál ge leat velá dohkálaš oppalašgeahčastat man olu ja makkár nuoskkideapmi lea riikkas.
– Jus galgat lihkostuvvat eastadit nuoskkideami, de dárbbašat diehtit manin gávdno báikkálaš nuoskkideapmi ja mii berrešeimmet maid sáhttit mihtidit man beaktilat eastadandoaimmat leat, lohká eastadan- ja čorgenfágajođiheaddji Mari Mo Osterheider.
Diibmá, 2021:s, čorgejedje 3701 oasi dahje mii lea 224 kilo doabbarat, čorgejuvvon ja registrerejuvvon Norgga johgáttiide ja jávregáttiide. Gaskamearálaččat mearkkaša dat ahte juohke mehteris lea okta doappar, muhto doabbarat eai juohkás nie. Osterheider muitala ahte sii juohke jávregátti ja johgátti mihtidit guovtti sajis.
– Nuoskkideami váldooassi vuolgá olbmuid daguin go borret, juhket ja borgguhit, lohká Osterheider.
43 proseantta lea olbmuid geavaheapmi, hivssetbázahusat ja astoáiggi nuoskkideapmi, čájeha mihtideamit. Ealáhusdoaimmaid doabbarat leat unnimus 24 proseantta ja dasto eanadoallu ja viessohuksen ja rusttethuksen, nu mo geaidnohuksen.
