-Almmuhus-
Bovde­jit Norgga álbmoga veahkkálas­čorgemii
Array

Bovde­jit Norgga álbmoga veahkkálas­čorgemii

-

-

Luonddunuoskkideapmi ii leat buorre olbmuide iige elliide. Boahtte vahkkoloahpa bovdejit Norsk Friluftsliv ja «Hold Norge Rent veahkkálasčorgemii, vai nuoskkideapmi unnu.

Čakčamánu 9. beaivvi rájes gitta 11. beaivái lea Norgga álbmot bovdejuvvon čorgemii. Álkit čilgejuvvon lea ahte jus lea vánddardeame luonddus, de čoaggila ruskkaid vel seammás.

– Mii sávvat ahte olbmot vulget čoaggit ruskkaid, dahje ahte čogget jus leat jo meinen luonddus vánddardit, muitala Norsk Friluftsliv váldočálli Bente Lier preassadieđáhusas.

Ipsos-guorahallan, mii dahkkui 2020:s, čájeha ahte luonddunuoskkideapmi lea dat mii suhttada olbmuid eanemusat go leat luonddus.

– Jus háliida searvat čorgemii, de ii dárbbaš liigerusttegiid. De dohppe dušše puseža mielde go vuolgá ruovttus, čoaggit ruskkaid maid gávdná, ja šlivget ruskalihttái go olle ruoktot fas, ávžžuha Lier.

Vaikke lea nu ahte olbmot leat čeahpit čorget iežaset maŋis, de lea nu ahte olgoáibmodoaimmaid geažil guđđet ruskkaid lundui.

Hold Norge Rent beaivválaš jođiheaddji Lise Keilty Gulbransen muitala preassadieđáhusas, ahte eanemus nuoskkideapmi luonddus lea dat maid olmmoš ieš guođđá.

– Oaidnit ahte biebmodoavnnjit ja ovttaháválašgrillat leat dat maid olbmot dávjjimusat guđđet, muitala Gulbransen.

-Almmuhus-