Hold Norge Rent (doala Norga čorgadin) máksá goluidbuhtadusa eaktodáhtolaš doabbarčorgejeaddjiide. Muhto ferte ohcat daid ruđaid ovdal skábmamánu 15. beaivvi Refušuvdnaortnega bokte.
Goluidbuhtadusortnet lea rabas buohkaide geat leat fievrredan ja/dahje áimmahuššan mearas rievdan doabbariid dahje fievrredan eaktodáhtolaš olbmuid guvlui ja ruovttoluotta. Dát ortnet galgá sihkkarastit ahte buot eaktodáhtolaš veahkkit ožžot iežaset goluid buhtaduvvot, lehkos dal gálvofievrredeapmái, doabbariid fuolaheapmái ja sáhttu eaktolašolbmuide. Lea maid vejolaš ohcat goluidbuhtadusa jus lea guossohan álkes borramuša eaktodáhtolaš olbmuide, dahje lea ožžon goluid reaidduid divodeapmái ja reaidduid massimii čorgen oktavuođas.
– Mii leat hui rápmásat go mii sáhttit olbmuide fállat goluidbuhtadusa dán ortnega bokte, lohká Hold Norge Rent prošeaktajođiheaddji, John Harald Sand.
Fuomáš: Čorgen galgá leat eaktodáhtolaš ja čorgenakšuvdna galgá leat registrerejuvvon «Rydde» báikkis. Doppe gávnnat maid ohcanskovi. Lea Senter mot marin forsøpling (MARFO) (meara nuoskkidaneastadeami guovddáš) mii ruhtada ja Hold Norge Rent mii hálddaša goluidbuhtadusa ortnega.
