Romssa politiijat dieđihit disdaga iđđedis ahte golbma biilla leat beaškkihan oktii Ráisavuonas.
Lihkohisvuođas leat guokte biilla ja okta guorbmebiila, dieđihit politiijat. Dáhpáhus geavai Ráisavuonaluottas lahka Vågvatnet. Heahteveahka lea sáddejuvvon báikái.
Politiijat dieđihit ahte ii oktage leat roasmmohuvvan ja biillat galget fievrriduvvot eret. Luodda lea leamas gitta gaskaboddosaččat, muhto lea fas rahppon.
Politiijat dieđihit ahte álggahit ášši go galget iskat nuppi biilavuoddji. Son navdo váruheamet vuodján guorbmebiilla meaddel, dieđihit politiijat.
