Dál ásaha ráđđehus ovttasbarggu guossohansurggiin vai kioskkain ja bensinstašuvnnain vuovdigohtet dearvvašlat borramušaid.
Dál ásaha ráđđehus ovttasbarggu guossohansurggiin vai kioskkain ja bensinstašuvnnain vuovdigohtet dearvvašlat borramušaid.
Odne čoahkkinastá álbmotdearvvašvuođaministtar Åse Michaelsen borramušsuorggi jođiheddjiiguin. Bealit galget vuolláičállit šiehtadusa man maiddái bensiidnastašuvnnat ja kioskkat čuovvugohtet.
Ulbmil šiehtadusain lea unnidit sálte-, sohkar- ja vuodjabiepmuid ja baicce láhčit dili nu ahte olbmot boraše eambbo šattuid, murjjiid, ruotnasiid, roavva gordneborramušaid ja guoli.
Mánnosaččat ostet ja borret 820 000 norgalačča borramuša man ostet bensinstašuvnnain ja kioskkain.
2018 Norgga Borrandábiiddieđu logut čájehit maid ahte 216 000 norgalačča ostet márffiid bensinstašuvnnain juohke nuppi vahkkus. Vahkkosaččat ges ostet 130 000 olbmo fiinna láibbiid ja eará borramušpáhkaid, čállá NTB.
