Dál áigot buoridit mobiilafierpmádaga Davvi-Ruoŧa duottarguovlluin.
Prošektii lea biddjon 6 miljovnna ruvnno ja lea Region Norrbotten, Sámefoanda ja Vinnova geat ruhtadit dan prošeavtta.
Mats Jonsson, gii lea prošeaktajođiheaddji Site max fitnodagas, dadjá ahte sii huksejit báikkálaš fierpmadagaid gosa stuora fitnodagat de čatnet oktavuođa. Nu sáhttet fállát fierpmádaga duottar- ja boaittobealeguovlluide.
– Mii joatkit hukset buoret fierpmádaga duottarguovlluin ja boaittobealeguovlluin Ábeskovvus ja lullelii. Go ovttasbargat stuoribut mobiilafitnodagain de sáhttit fállat buoret fierpmádaga. Guhtta fierpmádatdálu leat ceggejuvvon Girjas ja Baste čearuide. Plána lea joatkit hukset eanet, dadjá son.
