45-jahkásaš dievdu lea dubmehallon 16 jagi giddagassii go lea goddán iežas fuolkki Lainio gilážis Davvi-Ruoŧas.
Dáhpáhus geavai ođđajagimánu 24. beaivvi Lainio gilážis Davvi-Ruoŧas. 75-jahkašas dievdu gávdnui bahuid roasmmohuvvan su biillas gasku giláža. Muhtin lei čuggen su niibbiin unnimusat 15 gearddi. Gili olbmot geahččaledje gádjut su heakka, muhto lei beare maŋŋit. 75-jahkásaš dievdu jámii iežas billii.
45-jahkásaš dievdu navdojuvvui goddán su fuolkki.
Sus eai lean psyhkalaš váttut go dáhpáhus geavai dehe go gažadeimmet su, nu lea áššeguoddi cealkán duomus.
Dál lea Jiellevári diggeriekti dubmen dievddu 16 jagi giddagassii go lea goddán iežas fuolkki. Son galgá maid máksit buhtadusa 165 351 ruvnna. Nu dieđiha Jiellevári diggeriekti duomus.
