Maŋemus jagi leat Norggas ásahuvvon 56 000 ođđa virggi. Dát lea 1,9 proseantta lassáneapmi.
Lassáneapmi boahtá das go 810 000 olbmo leat álgán ođđa bargui seammás go 754 000 olbmo leat heaitán barggus, čájehit SSB logut.
Priváhta sektoris ja almmolaš fitnodagain lassánedje 41 300 virggi dan seammás go suohkanhálddahusain ja stáhtahálddahusain lassánedje 11 900 ja 2 700 virggi.
Stuorimus oassi, sihke sis geat leat ođđa virggis ja sis geat leat heaitán, leat nissonolbmot priváhta sektoris ja almmolaš suorggis ja dahket sullii 30 proseantta.
