Gielddat leat bures álgán addit goalmmát dosa koronaboahkuin, nu gohčoduvvon ođasmahttindosa, boarrásiidda ja dearvvašvuođabargiide.
Dán rádjái leat sullii 200 000 olbmo ožžon goalmmát dosa, čállá Álbmotdearvvašvuođainstituhtta.
Dosa lea dán rádjái fállon olbmuide geat leat 65 jagi ja boarrásabbot, dasa lassin dearvvašvuođabargit geain lea pasieantaoktavuohta.
– Lea somá oaidnit ahte gielddat leat juo álgán ođasmahttindosain sidjiide geaidda lea ávžžuhuvvon, dadjá Dearvvašvuođainstituhta sadjásaš direktevra Geir Bukholm.
(©NTB)
