Girkonjárgga buohcceviesus leat 18 bargi erremis ja okta isolašuvnnas go ovtta bargis duođaštuvvui koronavirus mánnodat eahkeda.
Eai ovttasge dán 18 bargis leat dávdamearkkat, ja iskkadeapmái lea Mátta-Várjjaga gielda searvan.
Dan guovtti pasieanttas, geat leaba isolašuvnnas, eai ge galgga leat dávdamearkkat.
Girkonjárgga buohcceviessu lea distaga ja gaskavahku šluhtten muhtin pasientakonsultašuvnnaid, ja nu áigot lagamus beivviid joatkit, muhto ii nu viidát.
– Mii váldit oktavuođa pasieanttaiguin geaidda dát guoská, dadjá klinihkkahoavda Rita Jørgensen.
Finnmárkku buohcceviessu deattuha ahte buohcceviesuin ja klinihkain leat buorit njoammuneastadanrutiinnat ja juohkehaš oažžu leat oadjebas boahtit Girkonjárgga buohccevissui,
Dán čállá Finnmárkku buohcciviesu gulahallanhoavda, Eirik Palm, preassadieđus.
